I. Maximas tibi, Pansa, gratias omnes et habere et
Agere debemus, qui, eum hodierno die senatum te tissimi civis, litteras accepisti, ne minimam quidem moram interposuisti, quin quam primum maximo gaudio et gratulatione frueremur. Cum factum tuum gratum omnibus debet esse, tum vero oratio, qua recitatis litteris usus es; Declarasti enim verum esse id, quod ego semper sensi, neminem alterius, qui suæ confideret, virtuti invidere. Itaque mihi, qui plurimis officiis sum cum Bruto et maxima famili-
Ar itate conjunctus, minus multa de illo dicenda sunt; Quas enim ipse mihi partis sumpseram, eas præcepit oratio tua. Sed mihi, patres conscripti, necessitatem attulit paulo plura dicendi sententia ejus, qui rogatus est ante me; Aquo ita sæpe dissentio, ut jam verear ne, id quod fieri minime debet, minuere amicitiam nostram videatur perpetua dissensio.
Quæ est enim ista tua ratio, Calene, quæ mens, ut numquam post Kalendas Januarias idem senseris, quod is, qui te sententiam primum rogat, numquam tam frequens senatus fuerit, ut unus aliquis senten- 1 2 tiam tuam secutus sit? Cur semper tui dissimiles defendis, cur, cum te et vita et fortuna tua ad otium, ad dignitatem invitet, ea probas, ea decernis, ea sentis, quæ sint inimica et otio communi et dignitati tuæ?
II. Nam ut superiora omittam, hoc certe, quod
Mihi maximam admirationem movet, non tacebo. Quod est tibi cum Brutis bellum? Cur eos, quos omnes pæne venerari debemus, solus oppugnas? Alterum circumsederi non moleste fers, alterum tua sententia spolias iis copiis, quas ipse suo labore et periculo ad rei publicæ, non ad suum præsidiun^per s.e^nulIo adjuvante confecit. ^ Qui est iste tuus sensus, quæ cogitatio, Brutos uf~non probes, Antonios probes; Quos omnes carissimos habent, tu oderis, quos acerbissime ceteri oderunt, tu constantissime diligas? Amplissimæ tibi fortunæ sunt, summus honoris gradus, filius, ut et audio et spero, natus ad laudem, cui cum rei publicæ causa faveo, tum etiam
Tua. Quæro igitur, eum Brutine similem malis an Antoni, ac permitto, ut de tribus Antoniis eligas, quem velis. " Di meliora! " Inquies. Cur igitur non iis faves, eos laudas, quorum similem tuum filium esse vis? Simul enim et rei publicæ consules et propones illi exempla ad imitandum.
Hoc vero, Q. Fufi, cupio sine offensione nostræ 1
MARCUS TULLIUS CICERO amicitiæ sic tecum ut ate dissentiens senator queri. Ita enim dixisti, et quidem de scripto (nam te inopia verbi lapsum putarem [nisi tuam in dicendo facultatem nossem]), litteras Bruti recte et ordine scriptas videri. Quid est aliud librarium Bruti
Laudare, non Brutum? Usum in re publica, Calene, magnum jam habere et debes et potes. Quando ita decerni vidisti, aut quo senatus consulto hujus generis (sunt enim innumerabilia), bene scriptas litteras decretum asenatu? Quod verbum tibi non excidit, ut sæpe fit, fortuito; Scriptum, meditatum, cogitatum attulisti.
III. Hanc tibi consuetudinem plerisque in rebus bonis obtrectandi si qui detraxerit, quid tibi, quod sibi quisque velit, non relinquetur? Quam ob rem collige te placaque animum istum aliquando et mitiga, audi viros bonos, quibus multis uteris, loquere cum sapientissimo homine genero tuo sæpius quam ipse tecum; Tum denique amplissimi honoris nomen optinebis. An vero hoc pro nihilo putas, in quo quidem pro amicitia tuam vicem dolere soleo, efferri hoc foras et ad populi Romani aures pervenire, ei, qui primus sententiam dixerit, neminem adsensum? Quod etiam hodie futurum arbitror.
Legiones abducis a Bruto. Quas? Nempe eas, quas ille a C. Antoni scelere avertit et ad rem publicam sua auctoritate traduxit. Rursus igitur vis nudatum illum atque solum are publica relegatum videri. Vos autem, patres conscripti, si M. Brutum
Deserueritis et prodideritis, quem tandem civem umquam ornabitis, cui favebitis? Nisi forte eos, qui diadema imposuerint, conservandos, eos, qui regni nomen sustulerint, deserendos putatis. Ac de hac quidem divina atque immortali laude Bruti silebo, quæ gratissima memoria omnium civium inclusa nondum publica auctoritate testata est. Tantamne patientiam, di boni, tantam moderationem, tantam in injuria tranquillitatem et modestiam! Qui cum prætor urbis esset, urbe caruit, jus non dixit, cum omne jus rei publicæ recuperavisset, cumque concursu cotidiano bonorum omnium, qui admirabilis ad eum fieri solebat, præsidioque Italiæ cunctæ sæptus posset esse, apsens judicio bonorum defensus esse maluit quam præsens manu; Qui ne Apollinares quidem ludos pro sua populique Romani dignitate apparatos præsens fecit, ne quam viam patefaceret sceleratissimorum hominum audaciæ.
IV. Quamquam qui umquam aut ludi aut dies
Lætiores fuerunt, quam cum in singulis versibus populus Romanus maximo clamore et plausu Bruti memoriam prosequebatur? Corpus aberat liberatoris, libertatis memoria aderat; In qua Bruti imago cern videbatur. At hunc iis ipsis ludorum diebus videbam in insula clarissimi adulescentis, Luculli, propinqui sui, nihil nisi de pace et concordia civium cogitantem. Eundem vidi postea Veliæ cedentem Italia, ne qua oreretur belli civilis causa propter se. O spectaculum illud non modo hominibus, sed undis ipsis et litoribus luctuosum, cedere e patria servatorem ejus, manere in patria perditores! Cassi classis paucis post diebus consequebatur, ut me puderet, patres conscripti, in eam urbem redire, ex qua illi abirent. Sed quo consilio redierim, initio audistis, post estis
Experti. Exspectatum igitur tempus a Bruto est; Nam, quoad vos omnia pati vidit, usus est ipse incredibili patientia; Posteaquam vos ad libertatem sensit erectos, præsidia vestræ libertati paravit.
At cui pesti quantæque restitit! Antonius, quod animo intenderat, perficere potuisset (potuisset autem, nisi ejus sceleri virtus M. Bruti obstitisset), Macedoniam, Illyricum, Græciam perdidissemus; Esset vel receptaculum pulso Antonio vel agger oppugnandæ Italiæ Græcia; Quæ quidem nunc M. Bruti imperio, auctoritate, copiis non instructa solum, sed etiam ornata tendit dexteram Italiæ suumque ei præsidium pollicetur; Quod qui ab illo abducit exercitum, et respectum pulcherri- 1 2 3 mum et præsidium firmissimum adimit rei publicæ.
Equidem cupio hæc quam primum Antonium audire, ut intellegat non D. Brutum, quem vallo circumsedeat, sed se ipsum obsideri.
Ύ. Tria tenet oppida toto in orbe terrarum, habet inimicissimam Galliam, eos etiam, quibus confidebat, alienissimos, Transpadanos; Italia omnis infesta est; Exteræ nationes a prima ora Græciæ usque ad Ægyptum optimorum et fortissimorum civium imperiis et præsidiis tenentur. Erat ei spes una in C. Antonio, qui duorum fratrum ætatibus medius interiectus vitiis cum utroque cei'tabat. Is tamquam extruderetur asenatu in Macedoniam et non contra prohiberetur proficisci, ita cucurrit. Quæ tempestas,
Di immortales, quæ flamma, quæ vastitas, quæ pestis Græciæ fuisset, nisi incredibilis ac divina virtus furentis hominis conatum atque audaciam compressisset! Quæ celeritas illa Bruti, quæ cura, quæ virtus! Etsi ne C. quidem Antoni celeritas contemnenda est, quem nisi in via caducæ hereditates retardassent, volasse eum, non iter fecisse diceres. Alios ad negotium publicum ire cum cupimus, vix solemus extrudere, hunc retinentes extrusimus. At quid ei cum Apollonia, quid cum Dyrrachio, quid cum Illyrico, quid cum P. Vatini imperatoris exercitu? 1 2 3 Succedebat, ut ipse dicebat, Hortensio. Certi fines Macedoniæ, certa condicio, certus, si modo erat ullus, exercitus; Cum Illyrico vero et cum Vatini legionibus quid erat Antonio? " At ne Bruto quidem";
Id enim fortasse quispiam improbus dixerit. Omnes legiones, omnes copiæ, quæ ubique sunt, rei publicæ sunt; Nec enim eæ legiones, quæ M. Antonium reliquerunt, Antoni potius quam rei publicæ fuisse dicentur. Omne enim et exercitus et imperii jus amittit is, qui eo imperio et exercitu rem publicam oppugnat.
VI. Quodsi ipsa res publica judicaret, aut si omne jus decretis ejus statueretur, Antonione an Bruto legiones populi Romani adiudicaret? Alter advolarat subito ad direptionem pestemque sociorum, ut, quacumque iret, omnia vastaret, diriperet, auferret, exercitu populi Romani contra ipsum populum Romanum uteretur; Alter eam legem sibi statuerat, ut, quocumque venisset, lux venisse quædam et spes salutis videretur. Denique alter ad evertendam rem publicam præsidia quærebat, alter ad conservandam. Nec vero nos hoc magis videbamus quam ipsi milites, aquibus tanta in judicando prudentia non erat postulanda.
Cum VII cohortibus esse Apolloniæ scribit Antonium. Qui jam aut captus est (quod di duint!) Aut certe homo verecundus in Macedoniam non accedit, ne contra senatus consultum fecisse videatur. Di-
Lectus habitus in Macedonia est summo Q. Hortensi studio et industria, cujus animum egregium dignumque ipso et majoribus ejus ex Bruti litteris perspicere potuistis. Legio, quam L. Piso ducebat, legatus Antoni, Ciceroni se filio meo tradidit. Equitatus, qui in Syriam ducebatur bipertito, alter eum quæstorem, aquo ducebatur, reliquit in Thessalia seseque ad Brutum contulit, alterum in Macedonia Cn. Domitius adulescens summa virtute, gravitate, constantia a legato Syriaco abduxit. P. autem Vatinius, qui et antea jure laudatus a vobis et hoc tempore merito laudandus est, aperuit Dyrrachi portas Bruto
Et exercitum tradidit.
Tenet igitur res publica Macedoniam, tenet Illyricum, tuetur Græciam; Nostræ sunt legiones, nostra levis armatura, noster equitatus, maximeque nostei est Brutus semperque noster cum sua excellentissima virtute rei publicæ natus, tum fato quodam paterni maternique generis et nominis.
VII. Ab hoc igitur viro quisquam bellum timet, qui, antequam nos id coacti suscepimus, in pace jacere quam in bello vigere maluit? Quamquam ille quidem numquam jacuit, neque hoc cadere verbum in tantam virtutis præstantiam potest. Erat enim in desiderio civitatis, in ore, in sermone omnium; Tantum autem aberat a bello, ut, cum cupiditate libertatis Italia arderet, defuerit civium studiis potius quam eos in armorum discrimen adduceret. Itaque illi ipsi, si qui sunt, qui tarditatem Bruti reprehendant, tamen idem moderationem patientiamque mirantur.
Sed jam video, quæ loquantur; Neque enim id occulte faciunt. Timere se dicunt, quo modo ferant veterani exercitum Brutum habere. Quasi vero quicquam intersit inter A. Hirti, C. Pansæ, D. Bruti, C. Cæsaris et hunc exercitum M. Bruti. Nam, si quattuor exercitus ii, de quibus dixi, propterea laudantur, quod pro populi Romani libertate arma ceperunt, quid est, cur hic M. Bruti exercitus non in eadem causa ponatur? At enim veteranis suspectum nomen est M. Bruti. Magisne quam Decimi? Equidem non arbitror; Etsi est enim Brutorum commune factum et laudis societas æqua, Decimo tamen eo iratiores erant ii, qui id factum dolebant, quo minus ab eo rem illam dicebant fieri debuisse. Quid ergo agunt nunc tot exercitus, nisi ut obsidione Brutus liberetur? Qui autem hos exercitus ducunt? Ii, credo, qui C. Cæsaris acta everti, qui causam veteranorum prodi volunt.
VIII. Si ipse viveret C. Cæsar, acrius, credo,
Acta sua defenderet, quam vir fortissimus defendit Hirtius, aut amicior causæ quisquam inveniri potest quam filius. At horum alter nondum ex longinquitate gravissimi morbi recreatus, quicquid habuit virium, id in eorum libertatem defendendam contulit, quorum votis judicavit se amorte revocatum, alter virtutis 1 * 3 robore firmior quam ætatis cum istis ipsis veteranis ad D. Brutum liberandum est profectus. Ergo illi certissimi idemque acerrimi Cæsaris actorum patroni pro D. Bruti salute bellum gerunt; Quos veterani secuntur; De libertate enim populi Romani, non de suis commodis armis decernendum vident. Quid est igitur, cur iis, qui D. Brutum omnibus opibus conservatum velint, M. Bruti sit suspectus exercitus?
An vero, si quid esset, quod a M. Bruto timendum videretur, Pansa id non videret aut, si videret, non laboraret? Quis aut sapientior ad conjecturam rerum futurarum aut ad propulsandum metum diligentior? Atqui hujus animum erga M. Brutum studiumque vidistis. Præcepit oratione sua, quid decernere nos de M. Bruto, quid sentire oporteret, tantumque afuit, ut periculosum rei publicæ Bruti putaret exercitum, ut in eo firmissimum rei publicæ præsidium et gravissimum poneret. Scilicet hoc Pansa aut non videt (hebeti enim ingenio est) aut neglegit; Quæ enim Cæsar egit, ea rata esse non curat; De quibus confirmandis et sanciendis legem comitiis centuriatis ex auctoritate nostra laturus est.
IX. Desinant igitur aut ii, qui non timent, simu lare se timere et prospicere rei publicæ aut ii, qui omnia verentur, nimium esse timidi, ne illorum
Simulatio, horum obsit ignavia. Quæ, malum! Est 1 ista ratio semper optimis causis veteranorum nomen opponere? Quorum etiamsi amplecterer virtutem, ut facio, tamen, si essent adrogantes, non possem ferre fastidium. An nos conantes servitutis vincla rumpere impediet, si quis veteranos nolle dixerit? Non sunt enim, credo, innumerabiles, qui pro communi libertate arma capiant; Nemo est præter veteranos milites vir, qui ad servitutem propulstare res publica, freta veteranis, sine magno subsidio juventutis? Quos quidem vos libertatis adiutores complecti debetis, servitutis auctores sequi non debetis.
Postremo (erumpat enim aliquando vera et me digna vox!), si veteranorum nutu mentes hujus ordinis gubernantur omniaque ad eorum voluntatem nostra dicta, facta referuntur, optanda mors est, quæ civibus Romanis semper fuit servitute potior. Omnis est misera servitus; Sed fuerit quædam necessaria; Ecquodnam principium putatis libertatis capessendæ? An, cum illum necessarium et fatalem pæne casum non tulerimus, hunc feremus voluntarium? Tota Italia desiderio libertatis exarsit, servire diutius non potest civitas; Serius populo Romano hunc vestitum atque arma dedimus, quam ab eo flagitati sumus.
X. Magna nos quidem spe et prope explorata libertatis causam suscepimus; Sed ut concedam 1 2 incertos exitus esse belli Martemque communem, tamen pro libertate vitæ periculo decertandum est. Non enim in spiritu vita est, sed ea nulla est omnino servienti. Omnes nationes servitutem ferre possunt, nostra civitas non potest, nec ullam aliam ob causam, nisi quod illæ laborem doloremque fugiunt, quibus ut careant, omnia perpeti possunt; Nos ita a majoribus instituti atque imbuti sumus, ut omnia consilia atque facta ad dignitatem et ad virtutem referremus. Ita præclara est recuperatio libertatis, ut ne mors quidem sit in repetenda libertate fugienda. Quodsi immortalitas consequeretur præsentis periculi fugam, tamen eo magis ea fugienda videretur, quo diuturnior servitus esset. Cum vero dies et noctes omnia nos undique fata circumstent, non est viri minimeque Romani dubitare eum spiritum, quem naturæ debeat, patriæ reddere.
Concurritur undique ad commune incendium restinguendum. Veterani, qui primi Cæsaris auctoritatem sunt secuti, conatum Antoni reppulerunt, post ejusdem furorem Martia legio fregit, quarta afflixit. Sic a suis legionibus condemnatus inrupit in Galliam, quam sibi armis animisque infestam inimicamque cognovit. Hunc A. Hirti, C. Cæsaris exercitus insecuti sunt, post Pansæ dilectus urbem totamque Italiam erexit. Unus omnium est hostis; Quamquam habet secum Lucium fratrem, carissimum populo Romano civem, cujus desiderium ferre diutius 1
Civitas non potest. Quid illa tætrius belua, quid immanius? Qui ob eam causam natus videtur, ne omnium mortalium turpissimus esset M. Antonius. Est una Trebellius, qui jam cum tabulis novis rediit in gratiam, Plancus et ceteri pares, qui id pugnant, id agunt, ut contra rem publicam restituti esse videantur. Et sollicitant homines imperitos Saxa et Cafo, ipsi rustici atque agrestes, qui hanc rem publicam nec viderunt umquam nec videre constitutam volunt, qui non Cæsaris, sed Antoni acta defendunt, quos avertit agri Campani infinita possessio; Cujus eos non pudere demiror, cum videant se mimos et mimas habere vicinos.
XI. Ad has pestes opprimendas cur moleste feramus quod M. Bruti accessit exercitus? Immoderati, credo, hominis et turbulenti; Videte ne nimium pæne patientis; Etsi in illius viri consiliis atque factis nihil nec nimium nec parum umquam fuit. Omnis voluntas M. Bruti, patres conscripti, omnis cogitatio, tota mens auctoritatem senatus, libertatem populi Romani intuetur; Hæc habet proposita, hæc tueri vult. Temptavit, quid patientia perficere posset; Nihil cum proficeret, vi contra vim experiundum putavit. Cui quidem, patres conscripti, vos idem hoc tempore tribuere debetis, quod a. d. XIII Kal. Jan. D. Bruto, C. Cæsari me auctore tribuistis, quorum privatum de re publica consilium et factum auctoritate vestra est comprobatum atque laudatum.
Bruto facere debetis, aquo insperatum et repentinum rei publicæ præsidium legionum, equitatus, auxiliorum magnæ et firmæ copiæ comparatæ sunt.
Adjungendus est Q. Hortensius, qui cum Macedoniam obtineret, au diutorem se Bruto ad comparandum exercitum fidissimum et constantissimum præbuit. Nam de M. Apuleio separatim censeo referendum, cui testis est per litteras M. Brutus, eum principem fuisse ad conatum exercitus comparandi.
Quæ cum ita sint, quod C. Pansa consul verba fecit de litteris, quæ a Q. Cæpione Bruto pro consule allatæ et in hoc ordine recitatæ sunt, de ea re ita censeo:
" Cum Q. Cæpionis Bruti pro consule opera, consilio, industria, virtute difficillimo rei publicæ tempore provincia Macedonia et Illyricum et cuncta Græcia et legiones, exercitus, equitatus in consulum, senatus populique Romani potestate sint, id Q. Cæpionem Brutum pro consule bene et ere publica pro sua majorumque suorum dignitate consuetudineque rei publicæ bene gerendæ fecisse, eam rem senatui populoque Romano gratam esse
Et fore; Utique Q. Cæpio Brutus pro consule provinciam Macedoniam, Illyricum cunctamque Græciam tueatur, defendat, custodiat incolumemque conservet,
Eique exercitui, quem ipse constituit, comparavit, præsit pecuniamque ad rem militarem, si qua opus sit, quæ publica sit et exigi possit, utatur, exigat pecuniasque, aquibus videatur, ad rem militarem mutuas sumat frumentumque imperet operamque det, ut cum suis copiis quam proxime Italiam sit. Cumque ex litteris Q. Cæpionis Bruti pro consule intellectum sit Q. Hortensi pro consule opera et virtute vehementer rem publicam adiutam omniaque ejus consilia cum consiliis Q. Cæpionis Bruti pro consule conjuncta fuisse, eamque rem magno usui rei publicæ fuisse, Q. Hortensium pro consule recte et ordine exque re publica fecisse, senatuique placere Q. Hortensium pro consule cum quæstore prove quæstore et legatis suis provinciam Macedoniam obtinere, quoad ei ex senatus consulto successum sit."